Хөвсгөл аймгийн Рэнчинлхүмбэ сумын Далайн зах багийн Товог-Уул хэмээх газрын харьяат иргэн Б \13настай, эмэгтэй\ энэ сарын 7-ны өдрийн 08:00 цагийн орчимд явганаар мал хариулж яваад сураггүй алга болжээ.
Аймгийн ОБЕГ наймдугаар сарын 8-ны өдрийн 11:27 цагт энэ талаарх дуудлагыг хүлээн авсан байна. Дуудлагын дагуу Засаг даргын Тамгын газрын даргаар ахлуулсан 57 иргэн, дөрвөн автомашин, 15 мотоцикл, 17 морьтой хүн эрэн хайх ажиллагааг эхлүүлжээ. Аймгийн төвөөсөө 10 км зайд орших Товог-Уулын орчмын 15 км тойрогт ажиллагааг зохион байгуулсан боловч үр дүнд хүрээгүй тул өчигдөр орой 21:55 цагт түр зогсоосон байна.