Баянгол номадик фестивалд зориулсан үндэсний бөхийн барилдаан наймдугаар сарын 8-нд Хүй долоо худагт болов. Барилдаанд улсын арслан П.Бүрэнтөгс, Э.Оюунболд, Р.Пүрэвдагва, улсын заан Н.Жаргалбаяр нарын тэргүүтэй 128 бөх зодоглосон юм.
Энэ удаа Увс аймгийн Давст сумын харьяат “Алдар” спорт хороо, Зэвсэгт хүчний 350-р анги, “Дулааны дөрөвдүгээр цахилгаан станц” ТӨХК, Бөхийн “Увс нуур” гал-ын бөх Монгол улсын үлэмж бадрах арслан Пүрэвийн Бүрэнтөгс долоо даван түрүүлж Сэлэнгэ аймгийн Мандал сумын харьяат “Сүлд” спорт хороо, 413-р анги, “Зорчигч тээврийн нэгтгэл” ОНӨААТҮГ, “Блю драгон” ХХК, Бөхийн “Увс нуур” гал-ын бөх Монгол Улсын саруул сайжрах заан Нэгдэлийн Жаргалбаяр үзүүрлэлээ.
Бөхийн барилдааны их шөвөгт Архангай аймгийн Булган сумын харьяат улсын арслан Рэнцэнбямбын Пүрэвдагва, Ховд аймгийн Зэрэг сумын харьяат улсын харцага Баярхүүгийн Бат-Өлзий нар шалгарлаа. Барилдааны түрүү бөх гурван сая, үзүүр бөх хоёр сая, их шөвөгт шалгарсан бөхчүүд тус бүр сая төгрөгийн бай гардсан юм.
5-ын даваа
1. У.а П.БҮРЭНТӨГС- у.з Т.Санчир
2. У.а Э.Оюунболд- у.а Р.ПҮРЭВДАГВА
3. У.з Н.ЖАРГАЛБАЯР- у.н Ч.Баянмөнх
4. У.х Б.БАТ-ӨЛЗИЙ- у.н Л.Лхаа-Очир тунав
6-гийн даваа
1. У.а П.БҮРЭНТӨГС- у.а Р.Пүрэвдагва
2. У.з Н.ЖАРГАЛБАЯР- у.х Б.Бат-Өлзий тунав
7-гийн даваа
1. У.а П.БҮРЭНТӨГС- у.з Н.Жаргалбаяр