Японы Хууль зүйн сайд Ёко Камикава хэвлэлийн бага хурлын үеэр “Аум Синрикё” шашны бүлгийн үлдсэн зургаан гишүүнийг цаазаар авсан талаар мэдээлжээ. Тэрбээр “Нэг буюу хэд хэдэн гэмт хэрэгт гэм буруутай нь тогтоогдсон Сатору Хасимото, Тору Тоёда, Кэнъити Хиросэ, Ясуо Хаяси, Масоато Ёкояма, Кадзуаки Окадзаки нарт оноосон цаазаар авах ялыг өнөөдөр гүйцэтгэлээ” хэмээгээд олон хүний амь хохирч, олон хүн хөгжлийн бэрхшээлтэй болж, нас барагсдын хамаатан садны айдас, зовлон, шаналлыг төсөөлшгүй. Бид сайтар судалж, гэмт этгээдүүдийн гэм буруутайг тогтоосны үндсэн дээр цаазаар авах ялыг гүйцэтгэлээ” хэмээн хэлсэн байна.
Долдугаар сарын 6-ны өдөр Японы Хууль зүйн яамны сайд тэрбээр Сёко Асахара нэрээрээ алдартай “Аум Синрикё” бүлгийг үндэслэгч Тизуо Мацумото тэргүүтэй 13 гишүүнийг цаазалсан тухай зарласан байна. Өнгөрсөн баасан гаригт цаазаар авахуулсан тус бүлгийн зургаан гишүүн бүгд зарин хий үйлдвэрлэх, химийн зэвсэг боловсруулах үйл ажиллагаа, мөн зэвсгийн наймаанд оролцжээ.
“Аум Синрикё” шашны бүлэг нь 1987 онд байгуулагдсан, Япон улсад хоёр удаа хорт хийн томоохон халдлага үйлдэж байсан аж. Тухайлбал, 1995 онд Токио хотын метронд зарин хий цацсаны улмаас 13 хүн амь үрэгдэж, 6500 хүн бэртэж байжээ.