Нийслэлийн Баянзүрх дүүрэг нь Азийн болон хөгжингүй улс орнуудтай эдийн засаг, нийгэм, соёл урлаг, боловсрол шинжлэх ухаан, тохижилт бүтээн байгуулалтын чиглэлээр найрсаг, харилцан ашигтай хамтын ажиллагааг хөгжүүлэх зорилго тавин 10 гаруй улстай хамтын ажиллагаатай ажилладаг.
Тэгвэл өнөөдөр дүүргийн Засаг даргын Тамгын газартай эгч дүүсийн найрсаг харилцаатай хамтран ажилладаг Польш улсын Плоцк хотын болон АНУ-ын Сан Диего хотын зочид төлөөлөгчид Баянзүрх дүүрэгт зочиллоо.
Хүндэт зочдыг дүүргийн ИТХ-ын дэд дарга Ц.Батхүү, Засаг дарга Т.Баясах, Засаг даргын орлогч Т.Батцогт, Б.Наранчулуун, Д.Уламбаяр, ЗДТГ-ын дарга Б.Амартүвшин, дүүргийн Хөрөнгө оруулалт бүтээн байгуулалтын төвийн захирал Б.Туяа нар хүлээн авч уулзав.