Тулгар төрийн 2227, Их Монгол Улс байгуулагдсаны 812 жил, Ардын хувьсгалын 97 жилийн ойн Үндэсний их баяр наадмын хүчит бөхийн барилдааны гурвын даваа үргэлжилж байна.
Наадамчин олны дунд хэн цол авч, хэн гээч хүчтэн наадамд түрүүлэх бол гэсэн таамаг яригдаж байгаа энэ мөчид Улсын аварга О.Балжинням, улсын арслан Д.Азжаргал, Х.Мөнхбаатар нар өвдөг шороодлоо. Улсын арслан Д.Азжаргал аймгийн арслан Ш.Дарханбатад, Х.Мөнхбаатар аймгийн арслан Э.Нямаад, Улсын аварга О.Балжинням залуу бөх Г.Алтанбаганад тус тус унажээ.