АНУ-ын спорт гутлын брэнд “Nike” компанийн борлуулалтын орлого санхүүгийн жилийн IV улиралд 13 хувиар өсөж, 9.8 тэрбум ам.долларт хүрсэн байна. Энэ нь шинжээчдийн таамгаас давсан дүн болжээ. Ялангуяа “Nike”-ийн борлуулалт Хойд Америкт 2017 оноос хойш анх удаа өссөн дүнтэй гарлаа.Зургийг: cnbc.com тус брэндийн борлуулалт Хойд Америкт 2017 оноос хойш анх удаа өссөн дүнтэй гарсан байна. Шинэ бүтээгдэхүүнүүд нь америк хэрэглэгчдийн дунд эрэлттэй байсан нь үүнд нөлөөлсөн гэж шинжээчид онцолжээ. “Nike”-ийн борлуулалт Хойд Америкт өнгөрсөн улиралд гурван хувиар өссөн нь “Adidas”-ийнхаас бага үнэлгээ хэдий ч тус брэндийн борлуулалт олон улсад тогтмол өсөж, нийт орлогынх нь талаас их хувийг эзэлж байна. Үүний дэмжлэгтэйгээр хувьцааны ханш нь сүүлийн нэг жилд 34 хувиар өсжээ. “Nike”-ийн борлуулалт улирлын дүнгээр БНХАУ-д 35 хувиар, Ази, Номхон далай болон Латин Америкт 12 хувиар нэмэгдсэн байна. Түүнчлэн өнгөрсөн онд АНУ татвар бууруулах хууль баталсан нь “Nike”-ийн санхүүгийн үзүүлэлтэд эергээр нөлөөлжээ.
Тус компани татварын зардлаас нийт 82 сая ам.доллар хэмнэсэн байна. Түүнчлэн ирэх санхүүгийн жилээс 15 тэрбум ам.доллараар хэмжигдэх хувьцаагаа буцаан худалдан авахаар төлөвлөж байгаагаа зарлажээ.
“Nike” компани санхүүгийн тайлангаа танилцуулсны дараа хувьцааны ханш нь 5.9 хувиар өсөөд байна.