Ардчилсан намын зарим гишүүд УИХ-ын гишүүн, Хууль зүй, дотоод хэргийн сайд Ц.Нямдоржийг шалгуулахаар АТГ-т өнөөдөр хандлаа. Тэд Хууль зүй, дотоод хэргийн сайд Ц.Нямдоржийг эрх мэдлээ урвуулан ашиглаж өөртөө илт давуу эрх эдэлж байгаа хэмээн үзэж байгаа юм байна. Хууль тогтоомжийн тухай хуулиар хуулийн төсөл боловсруулах ажиллагаа нарийн процетуртай. Гэтэл албан тушаалын байдлаа урвуулан ашиглаж, ашиг сонирхлын зөрчилтэйгээр хуулийн төслийг боловсруулсан хэмээн хуульчид үзэж байгаа аж. Үүнийг ойрын үед Засгийн газраас гаргах өмч хувьчлалын шийдвэртэй холбоотой хэмээн хардаж буй юм. Хууль зүйн сайд нэг өдөр босч ирээд, ямар ч судалгаагүйгээр хуулийн төсөл боловсруулж, оруулж ирдэг байдлыг бид зогсоох ёстой гэдгийг хуульч Д.Оросоо хэлж байв. Мөн цаашид хуульчид хуулийн төсөл боловсруулах үйл явцад хяналт тавина гэдгээ хэллээ.
Categories