Аймгийн Хүнс, хөдөө аж ахуйн газраас Увс аймагт тариалж байгаа жимс жимсгэний нэр төрлийг олшруулах зорилгоор 650 ш алим, 600 ш чавганы суулгацыг хойд хөршөөс оруулж ирсэн байна. Уг суулгацыг 18 иргэн, аж ахуйн нэгжтэй гэрээ байгуулан тариалиад байгаа юм.
Увс аймгийн Эрдэм шинжилгээний төв нь дээхэн үед төрөл бүрийн жимс жимсгэнэ тариалж байсан бөгөөд газар тариалангийн салбараас төрсөн эрдэмтэн мэргэд Улаангомын газрыг хөх өвс хөндлөн хаяхад ургахаар хөрстэй хэмээн дүгнэсэн байдаг аж. Иймээс алим, чавганы суулгац ургахгүй байхын зовлонгүй хэмээн мэргэжлийн байгууллага үзэж байна. Одоогоор суулгац авсан хүмүүст мэргэжлийн зөвлөгөөг цаг тухайд нь өгч байгаа ажээ.