“Улаанбаатар цом-2018” Олон Улсын боксын тэмцээн өнөөдөр хөшгөө нээж байна. Уг тэмцээнд 13 улсын ширэн бээлийтнүүд хүрэлцэн ирсэн бөгөөд гал гарсан тулаанууд 2018 зургадугаар сарын 20-24-ний өдрүүдэд болно.
Энэхүү тэмцээнд манай улсын тамирчид зохион байгуулагч орны давуу эрхийн дагуу дөрвөн баг болон хуваагдан, 40 шилдэг тамирчинаа оролцуулахаар болжээ.
Энэ жил Монгол Улсад боксын спорт үүсч, хөгжсөний түүхт 70 жилийн ой, Монгол боксчин Сөүлийн олимпийн наадмаас анх удаа Н.Энхбат хүрэл медаль хүртсэний 30 жилийн ой, Монголын боксчин Э.Бадар-Ууган анх удаа 2008 оны Бээжингийн олимпийн аварга болсоны түүхт 10 жилийн ой тус тус тохиож байгаа билээ. Эдгээр түүхт ойн хүрээнд зохион байгуулах тус тэмцээн өнөөдөр “Аса цирк”-д эхлэлээ. Тэмцээн 13:00 цагаас эхлэсэн. Нээлтийн үйл ажиллагаа 15:00 цагаас болж байгаа юм.