Хөлбөмбөгийн 2018 оны ДАШТ-ий H хэсгийн Польш-Сенегалын шигшээ багийн тоглолт Москва хотын “Спартак” цэнгэлдэх хүрээлэнд болж, сенегалчууд польшуудыг 2:1-ээр хожлоо.
Энэ тоглолтын хамгийн харамсалтай авто гоолыг Польшийн хамгаалагч Ционек Тьяго өөрийн хаалгандаа хийж сенегалчууд 1:0-ээр тэргүүлж эхэлсэн юм. Улмаар Сенегалын довтлогч Ньянг Мбайе 61 дэх минутад гоол оруулснаар польшчууд 2:0-ээр хожигдож хөгжөөн дэмжигчдийнхээ урмыг хугалсан.
Харин тоглолтын 86 дахь минутад Польшийн хагас хамгаалагч Крыховяк Гжегош гоол оруулснаар Польшийн шигшээ баг 2:1-ээр Сенегалын шигшээ багт хожигдлоо. Энэхүү тоглолтыг Спартак цэнгэлдэхэд 44190 үзэгч ирж үзсэн байна.