АНУ-ын Ерөнхийлөгч Дональд Трампыг ирэх долоодугаар сард Пхеньянд айлчилж, хоёр дахь удаагийн дээд хэмжээний уулзалт хийхийг Умард Солонгосын удирдагч Ким Жөн Ун урьжээ. Энэ тухай Өмнөд Солонгосын “Чунан ильбо” сонин мэдээлэв.
Тус сонины мэдээлснээр, Умард Солонгосын Хөдөлмөрийн намын Төв хорооны орлогч дарга Ким Ён Чолийн зургаадугаар сарын нэгэнд Д.Трампт дамжуулан өгсөн захидалд энэ тухай дурдсан байжээ. Тэр үед талууд өндөр дээд хэмжээнд үргэлжлүүлэн харилцаа холбоотой ажиллахад бэлэн байгаагаа илэрхийлсэн байна.
Д.Трамп болон Ким Жөн Ун нарын түүхэн дээд хэмжээний уулзалт зургаадугаар сарын 12-нд буюу маргааш Сентоза арал дахь “Capella” зочид буудалд болох юм.