“Улаанбаатар Травэл Экспо” үзэсгэлэн нь Монгол орноор болон гадаадын улс орнуудаар идэвхтэй аялах болсон дотоодын аялагчдад зориулан нэг цэгийн үйлчилгээ үзүүлэх зорилгоор 2015 оноос эхлэн жил болгон зохион байгуулагдаж ирсэн билээ.
Үзэсгэлэнд гадаадын элчин сайдын яам, аймаг, нийслэлийн аялал жуулчлал эрхэлдэг аж ахуйн нэгжүүд, сувилал амралтын газрууд, төрийн байгууллагууд музей, үзмэрийн газрууд, тур оператор байгууллагууд, гэр баазууд, банк, аяллын даатгалын компани гэх мэт бүх төрлийн аялал жуулчлалын үйлчилгээ эрхэлж, бүтээгдэхүүн гаргадаг байгууллагууд оролцдог.
Соёл, урлагийн газар харьяа байгууллагуудаа зохион байгуулан өмнөх оны үзэсгэлэнд амжилттай оролцож байсан. Тухайлбал Үндэсний түүхийн музей, Богд хааны ордон музей, Чойжин ламын сүм музей, Үлэг гүрвэлийн музей , Монгол Улсын филармони, Үндэсний дуу бүжгийн эрдмийн чуулга, Улсын дуурь бүжгийн эрдмийн театр зэрэг соёл урлагийн байгууллагууд үйл ажиллагаагаа сурталчилсан.
Энэ жилийн хувьд БНХАУ-н ӨМӨЗО, Тайванийн төлөөлөгчийн газар, ОХУ-н Эрхүү хот зэрэг олон улсын томоохон аялал жуулчлалын төлөөллүүд бүрэн бүрэлдэхүүнтэй орохоор мэдүүлгээ өгөөд байна.
Тухайн улсын аялал жуулчлал, зочлох салбарын үндсийг үндэсний буюу дотоодын аялал жуулчлал бүрдүүлдэг нь дэлхий дахинд нэгэнт хүлээн зөвшөөрөгдсөн хандлага юм.
Та бүхэн өөрийн үйл ажиллагаагаа сурталчлан оролцохыг уриалж байна.