Өнөөдөр дэлхийн гэр бүлийн өдөр тохиож байна. Үндэс, суурь сайтай ямарваа нэгэн зүйл нурах байтугай ганхах нь бараг үгүй. Ийн адил улсын үндэс бол гэр бүл юм.
Гэр бүл нийгмийн хамгийн бага нэгж хэдий ч асар их үүрэг хариуцлага үүрч улс эх орны үндэс суурь нь болж өгдөг. Энэхүү хэлхээг бат бөх байлгах үүднээс НҮБ-ын ерөнхий ассамблей 1993 оны есдүгээр сарын 20-ны хэлэлцээрээр 1994 оноос эхлэн таван capын 15-ны өдрийг “Гэр бүлийн өдөр” болгох тогтоол баталсан байдаг.
Дэлхийн гэр бүлийн өдрийг тэмдэглэж өнгөрүүлснээс хойш өдгөө 24 жил болж байгаа бөгөөд Монгол Улсын хувьд энэхүү өдрийг энэ жил 13 дахь удаагаа тэмдэглэх гэж байна.
Тухайлбал, өнөөдөр жанжин Сүхбаатар танхимд Дэлхийн гэр бүлийн өдрийг тохиолдуулан “Гэр бүлийн талаархи бодлого, эрх зүйн шинэчлэл” сэдэвт Нийгмийн бодлого, боловсрол, соёл, шинжлэх ухааны байнгын хорооны хэлэлцүүлэг хийх юм.
Мөн 11.00 цагт Гэрлэх ёслолын ордонд ОНӨААТҮГ нь “Олон улсын гэр бүлийн өдөр”-ийг тохиолдуулан Нийслэлийн Онцгой байдлын газартай хамтран “Дурсамж” гэр бүлийн нээлттэй өдөрлөгийг зохион байгуулна. Харилцах утас: 320515, 324729
Б.НОМИН-ЭРДЭНЭ