НБА-гийн Дорнод конференцийн аваргын төлөөх цувралын эхний тоглолтод Бостончууд ялалт байгууллаа. 108:83 гэсэн тооны харьцаа, бараг гучин онооны зөрүүтэй хожсон “Бостон Селтикс” багийн амжилтад Маркус Моррисын од гийсэн мөч, залуучуудын чадварлаг тоглолтуудын ачаас гадна өрсөлдөгч багийнх нь лидер Леброн Жэймсийн муу тоглолт нэмэр болсон гэхэд хилсдэхгүй. Энэ цаг үеийн шилдэг сагсан бөмбөгч өөрийнхээ маруухан тоглолтын дараа хэлэхдээ “Бид ямар ч цувралын дундуур дандаа эрч хүчээ нэмдэг. Нэг удаа ялагдаа л биз. Яг одоо тэвдэж сандрах хэмжээс тэгтэй тэнцүү байна. Би 0:1 бүү хэл 0:2-оор ялагдаж байж үзсэн. Хэдийгээр долоон удаа бөмбөгөө алдаж, доволгооны процент шалан дээр унасан ч гэлээ санаа зовох юм огт алга. Хүчээ нэмнэ. Лхагва гаригт хараарай” гэлээ.
