Гадаадын иргэн, харьяатын газрын боомт, орон нутаг дахь газар хэлтсүүдийн инженерүүдийн мэргэжил аргазүйн цугларалт өнөөдөр эхэллээ. Тодруулбал, Гадаадын иргэн, харьяатын газрын Мэдээллийн технологийн хэлтсээс мэдээллийн технологийн ажилтнуудын мэдлэг чадварыг дээшлүүлэх, ашиглагдаж буй программ хангамж, хийгдэж буй шинэлэг ажлын талаар харилцан туршлага солилцох, мэдээллийн технологитой холбоотой шинэ мэдээ мэдээллээр хангах зорилгоор боомт, орон нутаг дахь газар хэлтсүүдийн инженерүүдийн мэргэжил аргазүйн цугларалтыг энэ сарын 10,11-ний өдрүүдэд зохиолоо.
Энэхүү мэргэжил арга зүйн цугларалтад төв болон боомт, орон нутаг дахь газар, хэлтсийн 20 орчим инженерүүд оролцосон. Мэргэжил арга зүйн цугларалтаар мэдээллийн технологийн чиглэлээр ашиглах программ хангамжууд болоод өнөөгийн байдал, ололт, амжилт болон тулгамдаж буй асуудал, хөгжлийн чиг хандлага, цаашид анхаарах зүйлсээ ярилцаж, харилцан туршлага солилцов. Түүнчлэн “ Тоног төхөөрөмжийн танилцуулга, шийдэл”, “Сүлжээний аюулгүй байдал”, “Мэдээллийн аюулгүй байдал” зэрэг сэдвээр гадны байгууллагын мэргэшсэн инженерүүд мэдээлэл, зөвлөгөө өгөх юм.
