2017 оны зургаадугаар сарын 05-11-ий хооронд Азийн Хөлбөмбөгийн Холбооны футзалын хоёрдугаар зэрэглэлийн дасгалжуулагчийн сургалтад оролцсон дасгалжуулагчид батламжаа гардан авлаа.
АХБХ-ны футзалын өндөр дасгалжуулагчийн сургалтад 14 дасгалжуулагч оролцсоноос бүгд тэнцэж, өндөр чанартай үр дүн үзүүлэв. Тэнцсэн дасгалжуулагчдаас С.Эрдэнэ-Очир, Э.Ганзориг, Ц.Ганболд нар илүү дүн авч дотооддоо футзалын дасгалжуулагч бэлдэхэд бэлэн хэмээн үнэлэгдсэн байна.
Тус сургалт нь 2017 онд анх удаа манай улсад болсон ба оролцсон дасгалжуулагчид 100 хувь тэнцэнэ гэдэг мөн ховор тохиолдол. Монголын футзалын үндэсний шигшээ, 20 хүртэлх насны шигшээ багууд сүүлийн жилүүдэд Ази тивд амжилттай тоглох болсон. Дасгалжуулагчдын боловсрол чанар чансаа нэмэгдсэн нь дотоодын хөлбөмбөгчид, цаашлаад шигшээ багийн амжилтад эерэгээр нөлөөлөх нь дамжиггүй хэмээн МХБХ-ноос мэдэгдлээ.