Өмнөговь аймгийн Ханхонгор сумын Жаргалант багийн Балгасан голын Булаг хаяа гэдэг газар /аймгийн төвөөс урд зүгт 42 км-т/, тавдугаар сарын 7-ны өдрийн 04:26 цагт 3.6 магнитудын хүчтэй газар хөдлөлт болжээ. Тус аймгийн Онцгой байдлын газраар дамжуулан тус сумын Засаг даргын Тамгын газрын дарга, ИТХ-ын дарга нараас тодруулжээ. Тухайн газар нь хоёр малчин айл нутагладаг бөгөөд иргэдэд газар хөдлөлтийн чичирхийлэлт мэдрэгдээгүй, хохирол учраагүй хэмээн мэдэгджээ.