ОХУ-д өнгөрсөн гуравдугаар сард зохион байгуулагдсан Ерөнхийлөгчийн сонгуульд үнэмлэхүй ялалт байгуулсан В.Путин өнөөдөр дөрөв дэх удаагаа төрийн тэргүүний тангаргаа өргөх билээ.
Тангараг өргөх ёслол Кремлийн ордонд болох юм.
Тэгвэл тангараг өргөх ёслолын өмнөх өдөр Путины эсэргүүцэгчид эсэргүүцлийн жагсаал зохион байгуулсан талаар “Ройтерс” агентлаг мэдээллээ.
Авлигын эсрэг тэмцэгч Алексей Навальный дэмжигчид Москва, Калининград, Санкт-Петербург тэргүүтэй 20 гаруй хотноо эсэргүүцлийн жагсаал зохион байгуулсан байна.
Цагдаагийнхан жагсаалын үеэр эсэргүүцэл үзүүлсэн 1600 орчим жагсагчийг баривчилсан талаараа өнөөдөр хэвлэлийнхэнд мэдээллээ.
Жагсагчид “’Путин бидний хаан биш, улсын эрх чөлөөг эргүүлэн өг” гэх лоозонгоор жигдэрчээ.