Автотээврийн үндэсний төв, ТӨҮГ тавдугаар сарын гуравны өдөр Сүхбаатарын талбайд авто тээвэртэй холбоотой бүхий л төрлийн үйлчилгээ, зөвлөгөө, мэдээллийг үнэ төлбөргүй иргэдэд хүргэнэ.
“Төрийн өмчийн менежмент ба нийгмийн хариуцлага-2018” өдөрлөгийг зорьж ирсэн олон нийтэд Автотээврийн нэгдсэн лавлах 1900-1234 дугаараас автотээврийн салбарын бүх мэдээллийг авах, хууль бус тээвэрлэлтийн талаар хяналтын байцаагч сэрэмжлүүлэг мэдээлэл өгөх, хөдөлгөөний удирдлагын төв буюу 24 цагийн GPS-ын хяналтын талаар танилцуулах, баруун талдаа хүрдтэй тээврийн хэрэгслийн гэрлийн бэлдцийн талаар зөвлөгөө өгөхөөс гадна тээврийн хэрэгслийн гэрчилгээг шинэчлэх, шилжилт хөдөлгөөн хийх, бүртгэлийн мэдээлэл зөрүүтэй тээврийн хэрэгслийг бүртгэх, сүүлийн 5-6 жил татвар төлөөгүй, техникийн хяналтын үзлэгт ороогүй, хасагдах жагсаалтад орсон тээврийн хэрэгслийг хүсэлтийн дагуу үнэ төлбөргүй бүртгэлээс хасах, хот хоорондын зорчигч тээврийн үйлчилгээг танилцуулах, мэргэшсэн жолоочийн шалгалтын талаарх мэдээлэл өгөх, шалгалт авах, авто үйлчилгээний ангилал тогтоолгох зэрэг нэг дороос бүхий л үйлчилгээг авах боломжтой.