Засгийн газрын ээлжит хуралдаан эхэллээ. Өнөөдрийн хуралдаанаар нийт 21 асуудлыг хэлэлцэх товтой байна. Тухайлбал, Дайчилгааны тухай хуульд нэмэлт, өөрчлөлт оруулах тухай, Орон нутгийн хамгаалалтын тухай хуулийн төсөл, Монгол, Туркийн Засгийн газар хоорондын хамтарсан хорооны хуралдааны дүнгийн тухай болон Монгол Улс, Уругвай Улс хоорондын хэлэлцээр батлах тухай асуудлыг хэлэлцэхээр төлөвлөсөн байна.
Мөн хэлэлцэх асуудлын жагсаалтад Монгол, Швейцарийн Засгийн газар хоорондын хэлэлцээр батлах тухай, Монгол, Оросын Засгийн газар хоорондын хэлэлцээрийн төсөл, Газрын тосны боловсруулах үйлдвэр барих төслийн тухай зэрэг асуудал багтжээ. Мөн Уул уурхай, хүнд үйлдвэрийн сайд болон Эрчим хүчний сайдын гадаад томилолт, ШХАБ-ын Ерөнхий нарийн бичгийн даргын Монгол Улсад хийсэн айлчлалын үр дүнгийн тайланг сонсохоор төлөвлөсөн байна.