Засгийн газрын ээлжит хуралдаан долоо хоног бүрийн лхагва гаригийн 13:00 цагаас хуралддаг байсныг уг өдрийн өглөөний 08:00 цагт хуралдаж байхаар болгож товыг шинэчилсэн байна. Шинэчилсэн товын дагуу яг одоо Засгийн газрын хуралдаан үргэлжлэн явагдаж байна. Өнөөдрийн Засгийн газрын хуралдаанаар Бүтээгдэхүүн хуваах гэрээний гэрээлэгчийн эрх, үүргийг шилжүүлэх тухай, Төрийн өмчит үйлдвэрийн газар байгуулах тухай, Ажиллах хүч мэргэжилтэн авах тухай зэрэг асуудлуудыг хэлэлцэхээр товлоод байгаа юм.