Аpple компани албан ёсоор (PRODUCT)RED загварын iPhone 8 болон 8 Plus-г худалдаанд гаргалаа. Тус загварууд нь улаан өнгийн шилэн гадаргуутай, урд нүүр хэсэг нь хар өнгөтэйгөөр гарсан байна. Албан ёсоор тусгай загварууд IV сарын 10-наас худалдаанд гарчээ. Apple компани худалдаанд гаргадаг (PRODUCT)RED загвар бүхий бүтээгдэхүүнүүд ДОХ өвчний эсрэг хийдэг компанит ажилдаа анх удаа гар утсыг оруулсан юм. Зөвхөн (PRODUCT)RED загваруудын худалдан авалтаас ДОХ-той тэмцэх санд тодорхой хувийг хандив болгодог. Мөн тусгай загвар бүхий арьсан гэр гарч байгаа бөгөөд 99$ үнэтэйгээр худалдаанд гарч байгаа юм. Тус загварууд нь 64GB, 256GB багтаамжийн сонголттойгоор худалдаалж байгаа ба 699$-с эхлэх гэнэ.