Өнөөдөр Нийслэлийн иргэний хэргийн давж заалдах шатны шүүхэд Улаанбаатар төмөр замын дарга асан Л.Пүрэвбаатар “УБТЗ” хувь нийлүүлсэн нийгэмлэгийн хөрөнгөөр хувьдаа 1.4 тэрбум төгрөгийн байр авсан гэх хэргийн шүүх хурал болно. Л.Пүрэвбаатар тус газрын даргаар ажиллаж байхдаа албаны мөнгийг хувьдаа завшиж зарцуулсан талаарх баримтууд дэлгэгдэж байсан. Тэрээр албаны мөнгөөр өөртөө гутал, хүрэм, орон сууц авсан гэдэг ба 153 саяар үнэтэй машин худалдаж авсан хэмээх баримтууд дэлгэгдэж байсан юм. Л.Пүрэвбаатарт холбогдох авлига, албан тушаалын хэргийг хуулийн байгууллагаас шалгаж дуусаад, шүүхэд шилжүүлсэн байна.