АНУ-д байсан Ерөнхий сайд асан Ч.Сайханбилэгт АТГ-аас дуудах хуудас илгээсэн юм. Ерөнхий сайд асан Ч.Сайханбилэг дуудсан хугацаанд буюу өчигдөр Монголд ирсэн байна. АТГ-аас түүнийг Оюутолгойн хөрөнгө оруулалтын гэрээ болон далд уурхайн санхүүжилтийн төлөвлөгөө /Дубайн гэрээ/-тэй холбоотой хэрэгт холбогдуулан сэжигтнээр татан шалгасан юм.
Ерөнхий сайд асан Ч.Сайханбилэг өнөөдөр АТГ-д мэдүүлэг өгсөн аж. Түүнийг прокурорын зөвшөөрлөөр таслан сэргийлэх арга хэмжээ авч, түр саатуулсан талаар эх сурвалж мэдээллээ.
Өнгөрсөн долоо хоногт Сангийн сайд асан С.Баярцогт, ТЕГ-ын дарга асан Б.Ариунсан, Эрдэнэс Монгол компанийн гүйцэтгэх захирлаар ажиллаж байсан Б.Бямбасайхан нарыг Оюутолгойн хөрөнгө оруулалтын гэрээ болон гүний уурхайн санхүүжилтийн төлөвлөгөөг батлахдаа эрх мэдэл албан тушаалын байдлаа урвуулан ашиглаж хууль бусаар бусдад давуу байдал олгосон байж болзошгүй гэх үндэслэлээр яллагдагчаар татаж, 30 хоног цагдан хорихоор шүүхээс шийдвэрлэсэн билээ.