УИХ-ын хаврын чуулган өнөөдөр нээлтээ хийсний дараа МАН-ын бүлэг хуралдлаа. МАН-ын бүлгийн хуралдаанд УИХ-ын гишүүн Д.Гантулга бүрэн эрхээсээ түдгэлзэх хүсэлт гаргах болсон тухайгаа танилцуулжээ. Д.Гантулга “Би өөрийн хүсэлтээр түдгэлзэх санал гаргаж, шүүхээр үнэн зөвөө тогтоолгохоор шийдлээ. Бүлгийн гишүүд маань миний саналыг дэмжиж өгөөрэй” гэсэн байна. УИХ-ын гишүүн өөрөө хүсэлтээ гаргаж байгаа учраас хэрэг шийдэх хугацаа хүртэл түдгэлзүүлэх нь зүйтэй гэж МАН-ын бүлгийн гишүүдийн олонх үзжээ. УИХ-ын гишүүн Д.Гантулга энэ тухайгаа мэдээлэл хийх ажээ.