Энэ амралтын өдрүүдээр Японы Такасаки хотод Чөлөөт бөхийн эмэгтэйчүүдийн Дэлхийн цомын тэмцээн үргэлжилж байна. Энэ удаа БНХАУ, Япон, АНУ, Канад, Беларус, Канад, Швед, Румын, Монгол гэсэн найман орон 17 дахь удаагийн тэмцээнд хүч сорьж байна. Монголын баг “В” хэсэгт БНХАУ, Румын, Беларусын багтай багтсан.

Монголын багийн бүрэлдэхүүнд Хөдөлмөрийн баатар, гавьяат тамирчин Соронзонболдын Батцэцэг, гавьяат тамирчин Очирбатын Насанбурмаа, гавьяат тамирчин Пүрэвдоржийн Орхон нарын шилдэг бөхчүүд багтсан.

Дэлхийн цомын нэг мөнгө, хоёр хүрэл медальт, Монголын эмэгтэйчүүдийн үндэсний шигшээ баг тамирчид “В” хэсгийн эхний барилдаанаа 2007, 2008, 2009, 2010, 2011, 2013 оны Дэлхийн цомын аварга БНХАУ-ын шигшээ багтай хийв.

Манай хүчтэй өрсөлдөгчдийн нэг Хятадын эмэгтэй бөхчүүдэд 1:9-өөр ялагдлаа. Манайхнаас цорын ганц ялалтыг “Будапешт-2013” ДАШТ-ий мөнгөн медальт, ОУХМ Э.Сумъяа Оюан Жинлинг 8:7-гоор ялж авчээ. “Парис-2017” ДАШТ-ий алтан медальт, гавьяат тамирчин П.Орхон өрсөлдөгчтэйгээ барилдаагүй юм. Эмэгтэй тамирчид 17:00 цагаас Румынтай барилдана. Энэхүү хоёр барилдаанаас хэсгээсээ хоёрдугаар байраар гарах үгүйгээ шийдэх юм.

ОХУ-ын Чебоксар хотод арванхоёрдугаар сарын 1-2-нд Чөлөөт бөхийн эмэгтэйчүүдийн Дэлхийн цомын тэмцээн болно. Монгол, Япон, ОХУ, АНУ, БНХАУ, Азербайжан, Швед, Украин гэсэн найман улсын шигшээ баг өрсөлдөж буй тус тэмцээнд 16 дахь удаагаа явагдаж байна.

Дэлхийн цомын хуваарь
А хэсэг
1 тойрог: Япон – ОХУ; Швед – АНУ
2 тойрог: Япон – Швед; ОХУ – АНУ
3 тойрог: Япон – АНУ; ОХУ – Швед
В хэсэг
1 тойрог: Хятад – Азербайжан; Украин – Монгол
2 тойрог: Хятад – Украин; Азербайжан – Монгол
3 тойрог: Хятад – Монгол; Азербайжан – Украин

11 сарын 30
22.45-23.15 – Бүх жингийн жин үзэлт УБ цаг

12 сарын 1
15.00 – 17.00 эхний раунд
17.00 – 19.00 хоёрдугаар раунд
22.00 – 22.30 Нээлтийн ажиллагаа
22.30 – 00.30 гуравдугаар раунд

12 сарын 2
18.00 – 19.00 Финал: 7-8, 5-6 байрны төлөө барилдаан
19.00 – 20.00 Финал: 3-4 байрны төлөө барилдаан
20.00 – 21.00 Финал: Аваргын төлөө барилдаан

Дэлхийн Цомын тэмцээнд саяхан Польшид болсон чөлөөт бөхийн 23 хүртэлх насны ДАШТ-д оролцсон залуучуудын эмэгтэйчүүдийн шигшээ баг оролцоно.
48 кг: Буяндалайн Чимгээ (Хангарьд)
53 кг: Ганбаатарын Отгонжаргал (Алдар)
55 кг: Бат-Очирын Болортуяа (Женко)
58 кг: Алтанцэцэгийн Батцэцэг (Хасу-Мегастарс)
60 кг: Энхбатын Гантуяа (Хилчин)
63 кг: Хүрэлхүүгийн Болортуяа (Аврагч)
69 кг: Мөнхбатын Хишигмаа (Арслан)
75 кг: Ган-Очирын Уртнасан (Хилчин), Пүрвээгийн Номин-Эрдэнэ (Алдар)
Дасгалжуулагч: Бямбажавын Баттулга, Цэндийн Баярсайхан
ДАШТ-д тун сайн оролцсон энэ баг дээр Очирбатын Насанбурмаа нэмэгдэн очсон байгаа.

Өрсөлдөгч багуудын бүрэлдхүүн:
Украины шигшээ баг

48 кг – Илона Семкив –Европын аваргын мөнгөн медальтай.
53 кг – Ольга Шнайдер – Универсиадын хүрэл медальт.
55 кг – Елена Кремзер – Өсвөрийн хошой дэлхийн аварга, U-23 2016 Европын аварга
58 кг – Ирина Чихрадзе – Европын АШТ-ий мөнгөн медальт, ДАШТ-ий хүрэлтэй.
60 кг – София Боднар – Украины 2017 оны аварга.
63 кг – Ирина Коляденко
69 кг – Алла Белинская – Open Poland-ийн хүрэл, Залуучуудын дэлхий, тивийн аваргын хүрэл медальтай. Цэргийн ДАШТ-ий аварга
75 кг – Анастасия Шустова – Залуучуудын Европын АШТ-ий мөнгө, хүрэл медальт.

Азербайжан

Харамсалтай нь Азербайжаны баг баг бүрэлдэхүүнээ бүрэн зарлаагүй байгаа. Цахим хуудас azerisport.com-ийн мэдээлснээр Тюркан Насирова (48 кг), Сабина Гамзалзаде (53 кг), Солмаз Гашимзаде (55 кг), Алена Колесник (58 кг), Татьяна Омельченко (60 кг), Эльмира Ганбарова (63 кг), Элис Манолова (69 кг) нар барилдах гэнэ. 75 кг-д хэн нэгнийг мэдүүлээгүй байна.

Хятад
Жин тус бүрт хоёр бөхтэй ирсэн.

48 кг Янан Сун – 2016 оны олимпийн хүрэл медальт, 2013 оны дэлхийн аварга, Жие Ни,
53 кг Кьяню Панг – Азийн аварга, Оуянг Джунлинг,
55 кг Ланнуан Луо, Нингнинг Ронг,
58 кг Яжен Сун, Ксяофанг Чен,
60 кг Ксиюн Чен, Киан Ли,
63 кг Руи Ксю, Ксяохуан Луо – 2015 оны Азийн аварга
69 кг Жиао Ванг, Фенг Жао – 2015 оны дэлхийн аваргын мөнгөн медальт
75 кг Киан Жоу – 2017 оны ДАШТ-ий мөнгөн медальт, Палиха Палиха – 2015 оны Азийн аварга