БНСУ-ын хил дээр Монгол Улсаас очиж буй иргэдийн гар цүнх болон ачааг нь нэг бүрчлэн шалгаж байгаа аж. Тиймээс иргэдэд мэдээлэл хүргэх үүднээс “Солонгос улс дахь монголчууд” фейсбүүк группт нэгэн залуугийн оруулсан постыг гэрэл зургийнх нь хамт хүргэе.
Тодруулбал, “Солонгос руу зорчих нутаг нэгтнүүд минь ээ. Урьд шөнө “Korean Air”-аар ирсэн 150 гаруй монголчуудыг бүгдэд нь номeр тараагаад гурван цаг гаруй дугаарлуулж байгаад бүх хүний ачааг нэг нэгэнгүй үзэж шалгаж байна. Шүлхий юм уу, эсвэл eр нь л манайхныг шалгаж байгаа юм уу мэдэхгүй. Бусад онгоцныхон зүгээр л гараад байсан. Тамхи, тариа, хиам, борц, боорцог еэвэн гээд л хуй хураагаад дээр нь хил зөрчигч гэсэн юман дээр гарын үсэг зуруулаад байх шиг байна. Хүмүүс утсаар яриад л “Чиний захисан юмыг хураалгах нээ ….тэр боодолтой юманд чинь юу байсан юм…. өлбөрч үхэх гэж байгаа биш дэмий зүйлүүд авч ирсэн юм” гэх мэт яриа энэ тэнд гүй. Ийм шалгалтууд ганц өнөөдөр биш байгаа бололтой. Тиймд өөртөө болон өрөөлд түвэг учруулахгүй сайхан аялцгаагаарай” гэжээ.
