АНУ-ын Ерөнхийлөгч Дональд Трамп баллистик пуужин, олон улсын терроризм, хүний эрхийн зөрчлийн улмаас Ираны эсрэг авсан хориг арга хэмжээгээ нэг жилээр сунгасан талаар “Вести” агентлаг мэдээлжээ.
2015 онд Иран нь Герман болон НҮБ-ын Аюулгүйн зөвлөлийн байнгын таван гишүүн оронтой Тегераны цөмийн хөтөлбөрийг энхийн зорилготой болгох асуудлаар тохиролцсоны дагуу гэрээ байгуулсан байдаг. Тус баримт бичигт Иран нь цөмийн зэвсгийн үйлдвэрлэлээ зогсоож, ураны баяжуулалтаа хязгаарлах ёстой гэж заажээ.
Иран гэрээний үүргээ биелүүлж байсан ч 2016 онд АНУ хоригоо дахин нэг жилээр сунгасан билээ. Өмнө нь АНУ-ын Ерөнхийлөгч Ираны эсрэг “цөмийн” хориг арга хэмжээг сунгана гэж мэдэгдэж байсан бөгөөд 2017 оны аравдугаар сарын 13-ны өдөр АНУ тус улсын эсрэг шинэ хатуу бодлого баримтлахаа илэрхийлжээ.