Нийслэлийн Засаг даргын Тамгын газар болон Замын цагдаагийн газраас амралтын болон бүх нийтээр тэмдэглэдэг баярын өдрүүдэд автомашины дугаарын хязгаарлалт үйлчлэхгүй байх шийдвэрийг гаргасан.
“Нийтээр тэмдэглэх баярын болон тэмдэглэлт өдрүүдийн тухай хууль”-д заасны дагуу гуравдугаар сарын 8-ны өдрийг “Олон улсын эмэгтэйчүүдийн эрхийг хамгаалах өдөр” болгон бүх нийтээр амрах болсон билээ.
Энэ жилийн Олон улсын эмэгтэйчүүдийн эрхийг хамгаалах өдөр Пүрэв гарагт тохиож байгаа юм. Иймд маргааш тээврийн хэрэгслийн улсын дугаарын хязгаарлалт үйлчлэхгүй. Харин гуравдугаар сарын 9-н буюу Баасан гарагаас дугаарын хязгаарлалт ердийнхөөрөө үйлчилнэ.