Хавдар судлалын үндэсний төв /ХСҮТ/-ийн эмч нар амьд донороос элэг шилжүүлэн суулгах анхны мэс засал долоон цаг үргэлжлэн амжилттай дууссан байна.
Хорт хавдраар өвчилсөн эрэгтэйд анхны мэс заслыг хийсэн бөгөөд ХСҮТ-ийн ерөнхий захирал, профессор Ж.Чинбүрэн, элэг, цөс, нойр булчирхайн тасгийн эрхлэгч Э.Тайванбаатар нараар ахлуулсан 42 хүний бүрэлдэхүүнтэй эмч нарын баг мэс заслыг ийнхүү амжилттай хийжээ.
Мөн БНСУ-ын Самсунг эмнэлгийн эмч нарын хяналт дор тус мэс заслыг хийсэн бөгөөд донор болон өвчтөний биеийн байдал сайн байгаа юм байна.