Монгол Улсын харцага цолтнуудад хүндэтгэл үзүүлэх барилдаан өчигдөр буюу ням гарагт Бөхийн өргөөнд болж, Архангай аймгийн Цэнхэр сумын харъяат, улсын харцага М.Бадарч найм даван түрүүллээ.
Энэхүү барилдаанд улсын арслан П.Бүрэнтөгс, Р.Пүрэвдагва, гарьд Ж.Бат-Эрдэнэ, заан Б.Пүрэвсайхан тэргүүтэй Улс, аймгийн алдар цолтой 256 бөх зодоглосон юм. Тус барилдаан түрүүг харцага М.Бадарч авсан бол Завхан аймгийн Нөмрөг сумын харъяат, улсын харцага Д.Бат-Эрдэнэ үзүүрлэв.
Их шөвөгт Ховд аймгийн Чандмань сумын харъяат, улсын заан Б.Пүрэвсайхан, Ховд аймгийн Зэрэг сумын харъяат, улсын харцага Б.Бат-Өлзий нар шалгарлаа. Зүүн, барууны магнай арслангууд хоёр болон тавын даваанд өвдөг шороодсон юм. Цолныхоо хүндэтгэлд харцага цолтон 10 бөх зодоглосноос ийнхүү гурав нь Их шөвөгт шалгарч амжилттай барилдсан байна.