Өнөөдөр Америкийн үндэсний сагсан бөмбөгийн холбооны талбайд 10 тоглолт явагдлаа. Өнгөрсөн улирлын дэд аварга Кливланд Кавалерс талбайдаа Индиана Песерсийг хүлээн авч 115:108-аар ялж улирлын 28 дахь ялалтаа байгууллаа. Кавалерсаас Леброн Жэймс 26 оноо, 14 самбар, 11 оновчтой дамжуулалт өгч улирлын найм дахь трибл даблаа гүйцэтгэжээ. Мөн Жр Смит талбайд 37 минутыг өнгөрүүлэхдээ 23 оноо түүж багтаа тус хүргэжээ. Тэрээр энэ өдөр холын зайнаас 13 удаа довтолж долоог нь оноо болгосон байна. Харин Песерсээс багийн гол тоглогч Уиктор Олодипо 25 оноо, долоон оновчтой дамжуулалт өгчээ. Холбогч Даррен Коллисон 19 оноо, Домантис Сабонис 17 оноо авсан ч баг нь ялагдсан юм. Песерс Улирлын 23 дахь хожигдолл хүлээж дорнод бүсийн наймдугаарт бичигдэж эхэллээ. Харин талбайдаа ялалт байгуулсан Кливланд гуравдугаарт эрэмбэлэгдэж байна.
Энэ өдрийн хамгийн сонирхолтой тоглолт Хьюстэн Рокетс болон Нью Орлиан Пеликанс багуудын хооронд явагдаж Пеликанс 115:113-аар хожил авчээ. Төвийн тоглогч Энтони Давис онцгой тоглолт үзүүлж 27 оноо, 11Самбар авч багаа хожилд хөтөлжээ. Мөн Дариус Миллер холын зайнаас 10 довтолж зургааг нь байнд нь тусгасан байна. Харин Пуужингуудаас Крис Пол 38, Жэймс Харден 23 оноо авсан ч багийн нөхөд нь хангалтгүй байж улирлын 13 дахь ялагдлаа хүлээлээ.
Бусад тоглолтуудын үр дүн
Атланта хаукс 110:121 Шарлот Хорнетс
Юта Жазз 97:93 Торонто Рапторс
Лос Анжелес Лекерс 108:103 Чигаго Буллс
Брүүклин Нетс 91:116 Милауки Бакс
Лос Анжелес Кллиперс 109:100 Мемфис Гризелс
Филаделфиа 76 97:78 Сан Антано Спүрс
О.ДАШНЯМ