Засгийн газрын ээлжит хуралдаан болж А-80, АИ-92 өргөн хэрэглээний шатахууны онцгой албан татварыг тэглэх шийдвэрийг дэмжлээ. Ийнхүү онцгой татварыг тэглэснээр бензиний үнэ нэмэгдэхгүй гэж үзэж байна. Харин бусад онцгой албан татварыг хэвээр үлдээх шийдвэр гаргажээ. Мөн өнөөдрийн хуралдаанаар Дорноговь аймгийн Алтанширээ суманд Нефть боловсруулах үйлдвэр барих шийдвэр гаргалаа. Уг үйлдвэрийг барихад зориулж Алтанширээ сумын нутгийн 150 га газрыг улсын тусгай хэрэгцээнд авахаар юм байна. Үйлдвэр барих газар нь Сайншандаас 20 км-ийн зайд оршдог аж. Бүтээн байгуулалтын ажлуудыг энэ оны II улиралд хийж эхлэх бөгөөд Сайншандаас нефтийн үйлдвэр хүртэлх 20 км урттай салаа төмөр замын ажлыг УБТЗ, Хүнд даацын тусгай зориулалтын авто замын барилгын ажлыг БХЯ, Эрчим хүч дамжуулах шугамын ажлыг ЦДС ТӨК тус тус хийж гүйцэтгэх юм байна.