Мэргэжлийн сумогийн нэгдүгээр сарын тэмцээн буюу Хацү башёгийн ес дэх өдрийн барилдаанд 71 дэх их аварга Какүрюү М.Ананд Араваши Э.Дөлгөөнтэй барилдан ёрикири мэхээр давж ес дэх даваагаа авснаар итгэл төгс тэргүүлж байна. Тэргүүлэгчдийн эгнээнд явсан сэкиваки Митакеуми Точиношинтой барилдаж унаснаар тэргүүлэгчдийн эгнээнээс гарлаа. Харин Ичиножо А.Ичинноров өнөөдөр сайн барилдаж Оношог котанаге мэхээр давжээ. Хацу башёг Какүрюү М.Ананд аварга ганцаараа тэргүүлж, маэгашира Точиношин нэг унаатайгаар удаалж байна.