Улсын ерөнхий прокурорын тушаалаар хэрэг бүртгэх, мөрдөн байцаах ажиллагаанд хяналт тавих хэлтсийн даргаар ажиллаж байсан. Е.Сагсай гавьяаныхаа амралтад суусан байна. Харин түүний оронд Баянзүрх дүүргийн прокуророор ажиллаж байсан О.Алтангэрэл томилогдон очжээ. Харин тус дүүргийн прокурорын ажлыг Нийслэлийн прокурорын газрын орлогч, УЕП-ын дэргэдэх Мөрдөн байцаах албаны дарга, зэрэг албан тушаал хашиж байсан Ц.Батболд авсан байна.
Түүнчлэн Шүүхийн шийдвэр гүйцэтгэх ерөнхий газарт ч бас халаа сэлгээ хийгдсэн аж. Тухайлбал, ШШГЕГ-ын дарга хурандаа М.Алтан-Очирыг чөлөөлжээ. Түүний оронд ШШГЕГ-ын тэргүүн дэд дарга хурандаа Г.Элбэгсайханыг томилсон аж.