Зимбабвегийн тэргүүн хатагтай асан Грэйс Мугабе 2014 онд
социологийн чиглэлээр докторын зэрэг хамгаалжээ. Тэрээр их сургуульд
бүртгүүлснээс хойш хоёр сарын дараа дипломаа гардан авсан гэх. Тухайн үед түүний
нөхөр Зимбабвегийн Ерөнхийлөгч асан Р.Мугабе улсынхаа бүх сургуулийн ректорын
албыг давхар хашиж байж. Орон нутгийн хэвлэл мэдээллийн хэрэгслүүдээр Грэйс
Мугабегийн докторын зэрэг горилсон бүтээл ямар нэгэн хэвлэлд одоог хүртээл
нийтлэгдээгүй талаар онцолжээ. Зимбабвегийн Авлигатай тэмцэх асуудлаарх комисс
дээрх хэргийг мөрдөж байна. Учир нь тус улсын нэгэн их сургуулийн социологийн
тэнхимээс гомдол ирүүлсний дагуу хэргийг шалгаж эхэлжээ. Комиссын дарга Гудсан
Нгунийн ярьснаар “Бид хэргийг мөрдөж дуусгасны дараа хатагтайн буруутай нь
тогтоогдвол хуулийн дагуу хариуцлага хүлээлгэх болно” гэсэн байна. Өнгөрсөн оны
арваннэгдүгээр сард дэлхийн хамгийн өндөр настай Ерөнхийлөгч гэгдэж байсан
Р.Мугабег огцруулсан билээ. Үүний дараа Зимбабвегийн дэд Ерөнхийлөгч асан
Э.Мнангагва ирэх наймдугаар сард болох сонгууль хүртэл тус албыг хашихаар
болсон юм.