Хоёр Солонгосын
дээд хэмжээний уулзалт
цэрэггүй бүс болох хилийн
Панмунжом тосгонд мягмар
гаригт боллоо. Талуудын
хэлэлцсэн гол сэдэв нь ирэх
сард Өмнөд Солонгосын
Пёнчан хотноо болох өвлийн
олимпийн наадамд умардын
тамирчдыг оролцуулах, хоёр
талын харилцааг сайжруулах
тухай байлаа. Уулзалтыг хоёр
талын Солонгос хоорондын
харилцааг хариуцсан албаны
хүмүүс ахалжээ. Хэлэлцээ
хийх багт албаны хүмүүсээс
гадна тамирчид багтсан
нь уулзалтыг үр дүнтэй
болоход нөлөөлсөн гэж эх
сурвалжууд мэдээлэв. Талууд
яриа хэлэлцээрийн дундуур
хамтдаа өдрийн хоол идэж,
халуун дулаан уур амьсгал
дунд асуудлаа хэлэлцжээ.
Умард Солонгосын
төлөөлөгчид өвлийн олимпод
тамирчдаасаа гадна дээд
түвшний төлөөлөгчид ,
сэтгүүлчид, таэквондогийн
тамирчид гээд нүсэр багаа
илгээх хүсэлтийг өмнөд
хөршдөө тавьсан аж .
Өмнөдийн төлөөлөгчид үүний
хариуд олимпийн наадмын
үеэр нэгдэж нээлтийн
ажиллагаа болон бусад арга
хэмжээнд хамтран оролцох
саналыг тавьжээ. Мөн энэ
үеэр цэргийн салбарт хамтрах
тухай гэрээ хэлэлцээ хийх
Хоёр Солонгосын дээд хэмжээний
уулзалтаар талууд
нааштай алхмууд хийлээ
асуудал ч хөндөгдсөн байна.
Энэхүү алхам нь Солонгосын
хойгт өрнөөд буй хурцадмал
байдлыг намжаах нь лавтай.
Өмнөд Солонгосын
Үндэсний нэгдлийн хэргийн
асуудлаарх орлогч сайд
Чхон Хэ Сон энэ талаар
мэдэгджээ. Үүний зэрэгцээ
Өмнөд Солонгосын тал умард
хөршдөө ирэх хоёрдугаар
сард Солонгосын дайны
үеэр салсан гэр бүлүүдийг
уулзуулах, мөн цөмийн
хөтөлбөрийн асуудлаарх
хэлэлцээг сэргээх хүсэлт
гаргажээ. Харин Умард
Солонгосын тал уг асуудалд
ямар хариу өгсөн нь одоогоор
тодорхой бус байна.
Түүнчлэн Сөүл өвлийн
олимп болох гэж буйтай
холбогдуулан Умард
Солонгосын эсрэг тавьсан
зарим хоригоо түр хугацаагаар
цуцлах асуудлыг дахин харж
үзэхэд бэлэн гэдгээ Өмнөд
Солонгосын төлөөлөгч
мэдэгджээ. Ингэснээр Умард
Солонгосын зарим өндөр
албан тушаалтнууд өвлийн
олимп үзэх боломжийг
бүрдүүлэх бөгөөд тэдний
аюулгүй байдлыг хангах
асуудал ч яригдах юм. Энэ
талаар Өмнөд Солонгосын
Гадаад хэргийн яамны
төлөөлөгч Но Гю Док
онцолжээ.
Хоёр Солонгосын
энэхүү уулзалт нь дэлхийн
анхаарлыг татсаар байна.
Учир нь энэ нь Солонгосын
хойг дахь нөхцөл байдалд ч
шууд хамааралтай юм. Хоёр
Солонгос хамгийн сүүлд 2015
оны арванхоёрдугаар сард
дээд хэмжээний уулзалтыг
зохион байгуулж байв.
Умард Солонгосын
удирдагч Ким Жөн Ун шинэ
жилийн үеэр ард иргэддээ
хандан үг хэлэхдээ хэд
хэдэн томоохон мэдэгдэл
хийсэн. Тэрбээр Өмнөд
Солонгост болох өвлийн
олимпод тамирчдаа илгээх
талаар Өмнөд хөрштэйгөө
хэлэлцэхэд бэлэн буйгаа
мэдэгдсэн. Ингэхдээ Умард
Солонгосын удирдагч
хоёр жилийн өмнө хаагаад
байсан Панмунжом тосгон
дахь тусгай харилцааны
шугамаа сэргээхээ мэдэгдэж
байлаа. Харин үүний хариуд
Өмнөд Солонгос умард
хөрштэйгөө яриа хэлэлцээгээ
үргэлжлүүлэхэд бэлэн байгаа
талаар хүсэлт тавьснаар
дээрх уулзалтыг ийн зохион
б а й г у у л ж э э . Д а ш р а м д
дурдахад, энэ сарын 4-нд
Өмнөд Солонгосын тал АНУ-
тай хийх цэргийн хамтарсан
сургуулиа хойшлуулахаар
болсон. Өвлийн олимп
дууссаны дараа хамтарсан
сургуулилтыг үргэлжлүүлэх
юм байна.