Зургаан метрийн өндөр хадан цохионоос унах гэж байсан бага насны хоёр хүүхдийг Онцгой байдлын алба хаагчид өчигдөр аварчээ.
Тодруулбал, Хан-Уул дүүргийн 11 дүгээр хороо, Зайсан толгойгоос Яармаг явах уулын зам дагуу Богд ууланд бага насны хоёр хүүхэд хадан цохио дээрээс унах гэж байна гэсэн дуудлагаар нийслэлийн аврах ангийн 8 алба хаагч, 2 автомашинтай очсон байна.
Ингээд 9 настай эрэгтэй Э, 11 настай эмэгтэй А нарыг цохионоос буулгаж, цагдаагийн байгууллагад хүлээлгэн өгсөн аж.