2018 оны I сарын 1-ний өдрөөс эхлэн их, дээд сургууль, коллежид суралцдаг оюутан сурагчдын нийтийн тээврээр хөнгөлөлттэй зорчдог смарт картны хэрэглээг хязгаарласан байна. Улирлын амралт эхэлсэн тул уг хязгаарлалт II сарын 1-нийг хүртэл үйлчлэнэ. “Улаанбаатар смарт карт” ХХК дээрх шийдвэрээ нийслэлд харьяалагддаг бүх их, дээд сургууль, коллежид албан бичгээр хүргүүлжээ. Хязгаарлалтын хүрээнд оюутан, сурагчид II сарын 1-ний өдрийг хүртэл нийтийн тээврээр 500 төгрөгөөр зорчино.