Өглөө бүр тантай хамт байдаг “Өдрийн сонин”-ы даваа гаригийн дугаар 16 нүүрээр хэвлэгдэж, та бүхний гар дээр хүрч байна.
Монгол Улсын гавьяат барилгачин Д.Баасанхүүгийнд “танайд өнжье”-г бэлтгэснийг тэргүүн нүүрнээс хүлээн аваарай.
Хөдөлмөр, нийгмийн хамгааллын сайд С.Чинзоригтой хийсэн ярилцлагыг нэгдүгээр нүүрэнд хэвлэгджээ. Тэрээр “Тэтгэврийг ижил хувиар биш, тэнцүү мөнгөн дүнгээр нэмэх бодлого баримтлана” гэжээ.
Өнгөрсөн баасан гаригийн УИХ-ын нэгдсэн чуулганы хуралдаан “Агаарын бохирдлыг бууруулахтай холбогдуулан авах арга хэмжээний тухай тогтоолын төсөл”-ийг хэлэлцэх үеэр Ерөнхийлөгч Х.Баттулга оролцож байр сууриа илэрхийлсэн юм. Энэ талаар улс төрийн хоёрдугаар нүүрэн дэх “Утааг шийдэж чадахгүй бол УИХ-ыг тараах асуудлыг сар шинийн дараагаас тавина шүү” сурвалжилгаас хүлээн авч хараарай.
“Өдрийн сонин”-ы нийтлэлийн бодлогыг тодорхойлогч, ард түмний дуу хоолой болдог, баримт, үзэл бодлын гуравдугаар нүүрэнд нийтлэлч “Төр бий болж байна уу гэж харахаар” нийтлэлийг хүлээн авч үзээрэй.
Монголын эрчим хүч, геологи, уул уурхайн үйлдвэрчний эвлэлийн холбооны дарга Х.Буянжаргалтай хийсэн ярилцлагыг гуравдугаар нүүрэнд хэвлэгджээ. Тэрээр “Уул уурхайн, салбарынхан ажил хаялт зарлахад бэлэн” хэмээжээ.
Эрх баригчид татвар нэмэгдүүлсэн шийдвэрээ эргэж харж, цуцлахыг Ардчилсан нам шаардлаа. Үүний тухай сурвалжилгыг улс төрийн дөрөвдүгээр нүүрнээс хүлээн авч үзэх боломжтой.
“Мандал Голомт” станцад гэмтэл гарснаар Говь-Алтай аймгийн төвийн халаалт зогсч, иргэд шинэ оныг зутруухан угтсан талаар орон нутгийн удирдлагууд мэдэгдээд байсан билээ. Энэ талаар “Мандал Алтай” группийн зөвлөх, “Нутгийн зам” компанийн захирал Л.Очиртой хийсэн ярилцлагыг улс төрийн тавдугаар нүүрнээс хүлээн аваарай.
“Эрдэнэт”-ийн 49 хувийг төрийн өмчид авахаар болсон гэж Сангийн сайд тэргүүтэй хүмүүс мэдэгдсэн билээ. Энэ мэдэгдлийн маргааш нь “Монголын зэс” корпорациас хэвлэлийн бага хурал зарлаж, Засгийн газар хууль бус шийдвэр гаргасан хэмээн мэдээлэл хийсэн юм. Энэ талаарх сурвалжилгыг баримт, үйл явдлын зургаадугаар нүүрнээс уншаарай.
Монгол Улсын Ерөнхий аудитор Д.Хүрэлбаатар “Энэ онд нийгмийн захиалгаар “Эрдэнэс Тавантолгой”, “Оюутолгой”, “Дубай гэрээ”-нд аудит хийнэ” хэмээн онцлон хэлжээ. Энэ талаарх ярилцлагыг XI нүүрнээс хүлээн авч үзээрэй.
Волейболын спортын олон улсын хэмжээний мастер Б.Хэрлэнтэй хийсэн ярилцлагыг XIII нүүрэнд хэвлэгджээ. Тэрээр “Волейболын спорт хүүхдийн сэтгэхүйд багаар ажиллах чадварыг суулгаж өгдөг” гэжээ.
Эрхэм уншигч та, манай сонины өнөөдрийн дугаарыг “Монгол шуудан” компанийн нийслэл Улаанбаатар дахь 35 салбар, “Түгээмэл” шуудан, “Улаанбаатар”, “Скай” шуудангийн салбаруудаас очиж авч болох ба сонин борлуулах бүхий л цэгүүд, Хэвлэлийн биржээс худалдан авах боломжтой юм. Мөн “Мөнгөн завьяа” дахь сонин борлуулах цэг, Сансрын үйлчилгээний төв дэх сонин борлуулах цэг, Хан-Уул дүүргийн 19 дүгээр хорооллын үйлчилгээний төвд байрлах сонин борлуулах цэг, Саппорогийн “Миний дэлгүүр” дэх сонин борлуулах гол гол цэгүүдээс худалдах авч болохыг дуулгая. “Өдрийн сонин”-ы өөрийн байранд ирж худалдан авч бас болно.
Та бүхэн манай сонины цахим хувилбарыг https://admin.dnn.mn/plugins/news/login/хаягаар хүлээн авч уншаарай.
“Өдрийн сонин”-той холбоотой бүхий л мэдээллийг Мэдээлэх эрхийн утас 19001987-оос лавлаж болох ба захиалга өгөхийг хүсвэл 9911-2954, 8811-1375 дугаарт холбогдоно уу. Хэрэв цахим хэлбэрээр нь захиалахыг хүсвэл 99090658, 88085029 дугаарт холбогдож дэлгэрэнгүй мэдээллийг лавлаарай.
“ӨДРИЙН СОНИН” ӨГЛӨӨ БҮХНИЙ УРГАХ НАРНААР ТАНТАЙ ХАТ