Саудын Арабад болж буй шатрын рапид тоглолтын өндөр зэрэглэлийн тэмцээний дүн гарлаа. Нээлттэй тэмцээнд 134 шатарчин оролцсоноос Дэлхийн шатрын аварга асан Энэтхэгийн их мастер В.Ананд тэргүүн байрт орсон бол Оросын их мастер В.Федосеев, И.Непомнящый удаалжээ. Харин эмэгтэйчүүдийн ангилалд 100 шатарчин оролцсоноос БНХАУ-ын их мастер Жу Венжун түрүүлсэн бол хоёр, гуравдугаар байрыг БНХАУ-ын их мастер Ли Тингжие, Германы их мастер Элизабет Паец оров. Энэ ангилалд манай улсаас Олон улсын мастер, эмэгтэй их мастер, гавьяат тамирчин Б.Mөнгөнтуул, Т.Батчимэг, эмэгтэй их мастер А.Энхтуул нар оролцсон байна. Эмэгтэй их мастер А.Энхтуул 33, Олон улсын мастер, эмэгтэй их мастер Т.Батчимэг 60, Олон улсын мастер, эмэгтэй их мастер Б,Мөнгөнтуул 69 дүгээр байр эзлэжээ.