Замын цагдаагийн албаны Жижүүрийн шуурхай удирдлагын хэлтэс 29-ны өдөр нийт 343 дуудлага, мэдээ мэдээлэл хүлээн авчээ. Үүнээс зам тээврийн ослын 239 дуудлага бүртгэгдсэн бөгөөд ослын улмаас есөн хүн гэмтэж бэртжээ. Тухайлбал, Хэнтий аймгийн Цэнхэр Мандал сумын нутаг Согоот баг “Устын ам” гэх газар “Sonata-6” маркийн автомашин “Sonata-3” маркийн автомашинтай мөргөлдөж, хоёр иргэн нас баржээ. Мөн өдөр ЗЦА-наас гудамж, талбайд хийсэн шалгалтаар согтууруулах ундаа хэрэглэсэн үедээ тээврийн хэрэгсэл жолоодсон 42 жолоочийг саатуулжээ. Жолооч нарыг согтууруулах ундааны зүйл хэрэглэсэн үедээ жолоо барихгүй байхыг ЗЦА-наас анхааруулав.