Эдийн засгийн байнгын хорооны өнөөдрийн хуралдаанаар Төв банкны тухай хууль болон Банкны тухай хуульд өөрчлөлт оруулах асуудлыг хэлэлцсэн. Хуулийн төсөлтэй холбоотойгоор байнгын хорооны гишүүд санал зөрөлдсөн юм.
Тухайлбал УИХ-ын гишүүн Д.Эрдэнэбат “Энэ хуулийн төсөлд ажлын хэсэг дээр ойлголцох зүйл байгаа. Энэ хууль анхнаасаа шинэчлэн найруулах хэмжээнд очсон. Тийм учраас Төв банкны хуулийн төслөөр тав хоногийн завсарлага авлаа” гэв. Мөн уг хуулийн төсөл дээр ажлын хэсгийн хэмжээнд дахин хэлэлцэх шаардлагатай гэж үзэж байнгын хорооны хуралдааныг завсарлууллаа.