Шинэ жилтэй холбогдуулан улсын хэмжээнд үйл ажиллагаа явуулж байгаа эмнэлгүүд бэлэн байдалд ажиллах юм байна. Эмнэлгүүд XII сарын 29-нөөс 2018 оны I сарын хоёрны өдрийг хүртэл уртасгасан цагаар ажиллана. Мөн дүүргийн болон өрхийн эмнэлгүүд баярын өдрүүдээр 10-16 цагийн хооронд ажиллахаар болжээ. Түүнчлэн томуугийн вирусийн тархалт нэмэгдэх өндөр эрсдэлтэй байгаа тул дүүргийн нэгдсэн эмнэлгүүдийн цагийн хуваарийг холбогдох яамны зүгээс сунгасан аж. Харин нэг, хоёр, гуравдугаар эмнэлэг, Төрийн тусгай албан хаагчдын нэгдсэн эмнэлэг, Цэргийн нэгдсэн эмнэлэг баярын өдрүүдэд цагийн хуваарийн дагуу ажиллана.