Хүн худалдаалах гэмт хэргийн нөхцөл байдлын талаар ЦЕГ-аас мэдээлэл хийлээ. Саун массаж нэрийн дор охид эмэгтэйчүүдийг бэлгийн мөлжлөгт оруулж ашиг олдог бүлэг этгээд байгаа бөгөөд мөн саун массажны газар нэрийн дор охид, эмэгтэйчүүд сайн дураар биеэ үнэлж байгаа аж. Зарим нь хүчинд автаж, эмзэг байдлаараа тухайн этгээдийн эрхшээлд орж, биеэ үнэлдэг гэнэ. Охид, эмэгтэйчүүд биеэ үнэлж байгаа гэж боддог бол цаанаа хүн худалдаалах гэмт хэргийн золиос болсон байдаг. Эдгээр хэргүүдэд 130 орчим охид эмэгтэйчүүд бэлгийн мөлжлөгийн хохирогч болсон юм байна. Биеэ үнэлж байсан эмэгтэйчүүдийн 20 нь насанд хүрээгүй хүүхдүүд байсан ажээ.