Энэ сарын 1-ны өдөр чөлөөт бөхийн эмэгтэйчүүдийн Дэлхийн цомын тэмцээн ОХУ-ын Чебоксар хотод эхэлсэн билээ. Харин өнөөдөр тэмцээнд шилдэг найман баг өрсөлдөж байгаагаас медалийн төлөөх барилдаанууд үлдсэн байна. Дэлхийн цомын финалд Япон, БНХАУ-ын баг шалгарсан бол хүрэл медалийн төлөө Монгол, АНУ-ын багууд шалгаран үлджээ.
Манай эмэгтэй тамирчид эхний тойрогт Азарбайжаныг 6:2-оор, удаах тойрогт мөн Укрианыг 6:2 онооны харьцаагаар илт давуу хожсон. Харин гуравдугаар тойрогт Хятадын багт 5:3 онооны харьцаагаар ялагдаж, хүрэл медалийн төлөө барилдахаар шалгаран үлдлээ. Тухайлбал, Дэлхийн аваргын гурван хүрэл медальт О.Насанбурмаа, шинэхэн дэлхийн аварга П.Орхон болон залуучуудын дэлхийн аваргын медальт А.Батцэцэг нар ялалт авчирсан юм. Энэхүү шийдвэрлэх барилдаанд Олимпийн хүрэл, дэлхийн аварга С.Батцэцэг болон Э.Сумъяа, Э.Гантуяа, Н.Отгонжаргал, Б.Чимгээ нар өрсөлдөгчдөө ялагджээ.
ДЭЛХИЙН ЦОМ-2017-ын медалийн төлөөх барилдаан Улаанбаатарын цагаар 22.00-с эхэлнэ.
Алтан медаль: БНХАУ – Япон
Хүрэл медаль: Монгол – АНУ
V байр: Укриан – ОХУ
VII байр: Азарбайжан – Швед