Бээжингийн цагаар өнөө өглөөний 6:34 цагт Түвдэд 6.9 баллын хүчтэй газар хөдлөлт болсон талаар Шиньхуаагентлаг мэдээлжээ. Түвдийн зүүн өмнөд нутгийн Нинчи хотод 10 орчим километрийн гүнд газар хөдлөлт болжээ.
Газар хөдлөлтийн улмаас хэд хэдэн тосгоны цахилгаан эрчим хүчний шугам гэмтэж, байшин барилгууд эвдэрч нурсан гэсэн мэдээлэл байна. Газар хөдлөлтийн голомт руу аврагчдыг илгээсэн бөгөөд одоогоор хүний амьс нас эрсэдсэн эсэх талаар албаны эх сурвалжууд мэдээлээгүй байна.