Монголын Үйлдвэрчний Эвлэлүүдийн Холбооны 22-р Их хурал өнөөдөр боллоо. Дөрвөн жил тутам Ерөнхийлөгчөө шинээр сонгодог тус байгууллага энэ удаагийн Их хурлын үеэр ээлжит санал хураалтаа явуулсан байна.
МҮЭХ-ны Ерөнхийлөгчид одоогийн ерөнхийлөгч Х.Амгаланбаатар, МҮЭХ-ны гишүүн Б.Гэрэлмаа, Эрүүл мэндийн ажилтны ҮЭ-ийн холбооны дарга Б.Мягмар нар нэрээ дэвшүүлсэн юм. Санал хураалтын өмнө МҮЭХ-ны гишүүн Б.Гэрэлмаа нэрээ татаж, Х.Амгаланбаатар, Б.Мягмар нар санал хураалтад оролцжээ.
Санал хураалтаар хуралдаанд оролцсон гишүүдийн 64.1 хувийн саналаар МҮЭХ-ны ерөнхийлөгчөөр Х.Амгаланбаатар улиран ажиллахаар болсон байна. Энэ удаагийн Их хуралд аймаг, нийслэлийн 22 холбоо, 36 гишүүн байгууллагын 281 төлөөлөлгч оролцож буй юм.