“Дашваанжил газ” хувьцаат компанийн үүсгэн байгуулагдсаны 25 жилийн ойд зориулсан улс аймгийн алдар цолтой хүчит бөхийн барилдаан өнгөрсөн Бямба гарагт “Монгол бөхийн өргөө”-нд явагдлаа. Барилдаанд улсын арслан арслан Э.Оюунболд, Р.Пүрэвдагва, улсын заан М.Өсөхбаяр, Б.Батмөнх, Б.Пүрэвсайхан, нараар ахлуулсан хүчит 256 бөх зодоглож Архангай аймгийн Чулуут сумын харьяат улсын начин Б.Амарзаяа найм даван түрүүлж, Хэнтий аймгийн Өмнөдэлгэр сумын харьяат улсын арслан Э.Оюунболд долоо давж үзүүрлэсэн юм.
Бөхийн барилдааны их шөвөгт Ховд аймгийн Чандмань сумын харьяат улсын заан Б.Пүрэвсайхан, Ховд аймгийн Буянт сумын харьяат улсын харцага О.Хангай нар шалгарсан. Намрын улирлын таван барилдааны гуравд нь түрүүлээд байсан улсын харцага О.Хангай энэ өдөр улсын начин Б.Амарзаяад мордуулж өвдөг шороодсон байна.
Барилдааны барууны манлай улсын арслан Р.Пүрэвдагва тавын даваанд улсын начин Чимэдвэнданд тахим өгсөн бол улсын заан Б.Батмөнх хоёрын даваанд Ховд аймгийн харьяат сумын заан Т.Дожжүгдэрт тахимдуулж унажээ.
Сонирхуулахад энэ барилдааны түрүү бөх улсын начин Б.Амарзаяа нь улсын арслан Чойжилсүрэнгийн удмын бөх юм.
Та бүхэнд барилдааны дуйзийг сонирхуулья.
Тавын даваа
1. Э.Оюунболд у.а – Н.Батзаяа у.х
2. Р.Пүрэвдагва у.а –Б.Чимэдвандан у.н
3. М.Өсөхбаяр у.з – Э.Энх-Амгалан а.з
4. Б.Пүрэвсайхан у.з – Ц.Цогт-Эрдэнэ а.а
5. Б.Бат-Өлзий у.х – Д.Амарсайхан у.н
6. О.Хангай у.х – Б.Бат-Эрдэнэ у.н
7. Э.Энхбат у.ө.и.н – Б.Амарзаяа у.н
8. Л.Цэрэнтогтох у.ө.и.н – Бо.Батжаргал у.н
Зургаагийн даваа
1. Э.Оюунболд у.а – М.Өсөхбаяр у.з
2. Б.Пүрэвсайхан у.з – Л.Цэрэнтогтох у.ө.и.н
3. Б.Бат-Өлзий у.х – Б.Амарзаяа у.н
4. О.Хангай у.х – Б.Чимэдвандан у.н
Долоогийн даваа
1. Э.Оюунболд у.а – Б.Пүрэвсайхан у.з
2. О.Хангай у.х – Б.Амарзаяа у.н
Наймын даваа
1. Э.Оюунболд у.а – Б.Амарзаяа у.н
/үзүүр/ /түрүү/