УИХ дахь намын бүлгүүд өнөөдөр хуваарийн дагуу хуралдана.
Тодруулбал УИХ дахь МАН-ын бүлгийн хуралдаан “Жанжин Д.Сүхбаатар” танхимд, Ардчилсан намын бүлгийн хуралдаан “Их Эзэн Чингис Хаан” танхимд тус тус хуралдах юм. Бүлгүүд энэ долоо хоногт УИХ-ын чуулганаар хэлэлцэх гол асуудал болох Монгол Улсын 2018 оны төсвийн тухай, Нийгмийн даатгалын сангийн 2018 оны төсвийн тухай, Эрүүл мэндийн даатгалын сангийн 2018 оны төсвийн тухай хуулийн төслийг хэлэлцэж байр сууриа нэгтгэнэ. 2018 оны Төсвийг Засгийн газраас 10 дугаар сарын 27-нд УИХ-д өргөн мэдүүлсэн юм.
Мөн өнөөдөр Хөрөнгө оруулалтын банкны тухай хуулийн төслийг хэлэлцүүлэгт бэлтгэх үүрэг бүхий Эдийн засгийн байнгын хорооны ажлын хэсгийн хуралдаан болно.